ఆధార్ కార్డులో తప్పులు సరిచేయించుకోవాలన్నా, కొత్తది తీసుకోవాలన్నా ఆధార్ సెంటర్ ఎక్కడ ఉందో తెలియక ఇబ్బంది ఉండేది. దీనిపై ఆధార్ సంస్థ (UIDAI) MapmyIndiaతో ఒప్పందం కుదుర్చుకుంది. Mappls యాప్లో ఇకపై అధికారిక ఆధార్ కేంద్రాలను సులభంగా గుర్తించవచ్చు. ఈ ఫీచర్ ద్వారా అనధికార కేంద్రాలకు వెళ్లి మోసపోయే ప్రమాదం తగ్గుతుంది. కొత్త ఆధార్, అడ్రస్ మార్పు, ఫోన్ నంబర్ లింక్ చేయడం వంటి పనులకు ఏ సెంటర్కు వెళ్లాలో ముందే తెలుసుకోవచ్చు. ఈ ఫీచర్ రాబోయే కొద్ది నెలల్లో పూర్తిగా అందుబాటులోకి రానుంది.