TG: వాహనాల రిజిస్ట్రేషన్ సర్టిఫికెట్ (RC), డ్రైవింగ్ లైసెన్స్ (DL) కార్డుల ప్రింటింగ్, పంపిణీ ప్రక్రియను సరళీకృతం చేయడానికి రాష్ట్ర ప్రభుత్వం కీలక నిర్ణయం తీసుకుంది. ఇక నుంచి ‘సెంట్రలైజ్డ్ ప్రింటింగ్, డిస్పాచ్’ పద్ధతిని ప్రవేశపెట్టనున్నారు. ఈ విధానానికి CM రేవంత్రెడ్డి గ్రీన్ సిగ్నల్ ఇచ్చారు. ప్రస్తుతం 61 ఆర్టీఓ కార్యాలయాల నుంచి కార్డులు పంపిస్తున్నారు. ఏడాదికి దాదాపు 14-15 లక్షల కార్డులు జారీ అవుతుండగా, వీటి బట్వాడాకు వారాలు, నెలల సమయం పడుతోంది. ఏజెంట్ల వద్దకు కార్డులు వెళ్లకుండా నేరుగా వాహనదారుడి ఇంటికే పంపేలా కసరత్తు జరుగుతోంది. సెంట్రలైజ్డ్ విధానంతో రాష్ట్రవ్యాప్తంగా ఒకే కేంద్రం నుంచి కార్డులు జారీ అవుతాయి.
పెద్దిలో రామ్ చరణ్కు మరో లుక్.. అభిమానుల్లో ఉత్కంఠ!