ఏపీలోని అనకాపల్లి జిల్లా రోలుగుంట మండలం పితృగడ్డ కొండ శిఖరంలో కొర్ర దేవి అనే గర్భిణీకి బుధవారం రాత్రి 12 గంటలకు పురిటి నొప్పులు వచ్చాయి. దాంతో భర్త కొర్ర రమేష్ కుటుంబ సభ్యుల సహకారంతో డోలీలో కొర్ర దేవిని 6 కి.మీ. మోసుకెళ్లారు. డోలీలో గర్భిణీ నరకయాతన అనుభవించింది. ఆర్లగ్రామం చేరుకుని ప్రైవేట్ ఆటోలో బుచ్చంపేట ప్రాథమిక ఆరోగ్య కేంద్రాన్ని తరలించారు. డెలివరీ తర్వాత తిరిగి ఇంటికి తీసుకెళ్లినట్లు తెలుస్తోంది. తమ గ్రామానికి రోడ్డు ఏర్పాటు చేయాలని గిరిజనులు కోరుతున్నారు.