ఏపీసీసీ చీఫ్ వైఎస్ షర్మిల విశాఖ స్టీల్ ప్లాంట్ ఎదుట బుధవారం నిరసనకు దిగారు. విశాఖ స్టీల్ ప్లాంట్‌లో 4,200 మంది కాంట్రాక్ట్ కార్మికులను తక్షణమే విధుల్లోకి తీసుకోవాలని, ప్రైవేటీకరణ నిర్ణయాన్ని ఉపసంహరించుకోవాలని షర్మిల డిమాండ్ చేశారు. ఈ మేరకు కార్మికులు, కాంగ్రెస్ శ్రేణులతో కలిసి రోడ్డుపై బైఠాయించారు. ‘విశాక ఉక్కు ఆంధ్రుల హక్కు, సేవ్ వైజాగ్ స్టీల్ ప్లాంట్’ అంటూ నినాదాలు చేశారు. కూటమి ప్రభుత్వం కేంద్రంపై ఒత్తిడి తెచ్చి విశాఖ స్టీల్ ప్లాంట్‌ను కాపాడాలన్నారు.