కేంద్ర ప్రభుత్వ ఉద్యోగులకు కేంద్రం శుభవార్త చెప్పింది. దీపావళి పండుగ నేపథ్యంలో 7వ వేతన సంఘం వారికి కేంద్రం డీఏ పెంచిన సంగతి తెలిసిందే. ఈ నేపథ్యంలో 5, 6వ వేతన సంఘాల కింద ఉన్న ఉద్యోగులకు డీఏ పెంచుతున్నట్లు కేంద్రం ప్రకటించింది. తాజాగా 6వ వేతన సంఘం ఉద్యోగులకు డీఏను 239% నుంచి 246% కు పెంచింది. 5వ వేతన సంఘం కింద ఉన్న ఉద్యోగులకు డీఏ 443 శాతం నుంచి 455 శాతానికి పెరిగింది. కాగా, 2026 ఆరంభంలో 8వ వేతన సంఘం సిఫార్సులు అమల్లోకి వచ్చే అవకాశాలు ఉన్నాయి.