AP: ప్రకాశం జిల్లా వెలిగండ్ల, హనుమంతునిపాడు మండలాల్లోని అటవీ ప్రాంతాలకు దగ్గరగా ఉన్న గ్రామాలకు నెమళ్లు సెక్యూరిటీ గార్డుల్లా రక్షణ కల్పిస్తున్నాయి. వెలిగండ్ల మండలంలోని గుడిపాటిపల్లి, కట్టకిందపల్లి గ్రామాలు, హనుమంతునిపాడు మండలంలోని మంగంపల్లి గ్రామానికి నెమళ్లు పదేళ్లుగా రక్షణ ఇస్తున్నాయి. గ్రామంలోకి వచ్చే పాములు, కీటకాలు, విష పురుగుల నుంచి ప్రజలను కాపాడుతున్నాయి. దాంతో గ్రామస్తులు సైతం నెమళ్లను కంటికి రెప్పలా చూసుకుంటున్నారు.