మేడ్చల్ పోలీస్ స్టేషన్ పరిధిలో అగ్నిప్రమాదం సంభవించింది. మేడ్చల్ మున్సిపాలిటీ పరిధిలోని పూడూరు గ్రామంలో కాటన్ కార్పొరేషన్ ఆఫ్ ఇండియా నిల్వ ఉంచిన పత్తి గోదాంలో ఒక్కసారిగా మంటలు చెలరేగాయి. సమాచారం అందుకున్న అగ్నిమాపక సిబ్బంది నాలుగు ఫైర్ ఇంజిన్లతో మంటలను అదుపులోకి తేవడానికి ప్రయత్నిస్తున్నారు. కాగా అందులో పనిచేస్తున్న కార్మికులందరూ సురక్షితంగా బయటపడ్డారు.