పీఎం రాష్ట్రీయ బాల పురస్కార్‌కు మంగళగిరి బాలిక ఎంపిక

పీఎం రాష్ట్రీయ బాల పురస్కార్‌కు మంగళగిరికి చెందిన 14 ఏళ్ల జెస్సీరాజ్ ఎంపికైంది. స్కేటింగ్‌‌లో అంతర్జాతీయ స్థాయిలో బాలిక రాణించడంతో అధికారులు ‘ప్రధాన మంత్రి రాష్ట్రీయ బాల పురస్కార్‌-2025’కు ఎంపిక చేశారు. దేశవ్యాప్తంగా ఏటా వివిధ అంశాల్లో ప్రతిభ చూపిన 25 మంది చిన్నారులకు కేంద్ర ప్రభుత్వం ఈ పురస్కారాన్ని అందిస్తుంది.  బాలిక ఈనెల 26న ఢిల్లీలో పురస్కారాన్ని అందుకోనుంది.