ఏపీలోని కడప జిల్లా వేముల మండలం వి.కొత్తపల్లిలో పేలుడు సంభవించింది. ఆదివారం రాత్రి ఆరుబయట నిద్రిస్తున్న వీఆర్ఏ నరసింహులు మంచం కింద దుండగులు జిలేటిన్ స్టిక్స్ పెట్టారు. అవి పేలడంతో నరసింహులు మృతి చెందగా.. అతని భార్యకు గాయాలయ్యాయి. చికిత్స కోసం ఆమెను కడప రిమ్స్‌కు తరలించారు. సమాచారం అందుకున్న పోలీసులు ఘటనా స్థలానికి చేరుకుని దర్యాప్తు చేపట్టారు. అనుమానితులను అదుపులోకి తీసుకున్నారు. పాతకక్షలే హత్యకు కారణమని పోలీసులు భావిస్తున్నారు.