రేపటి నుంచి కడప జిల్లాలో జగన్ పర్యటన

AP: తన సొంత జిల్లాలో మరోసారి వైఎస్ జగన్ పర్యటించబోతున్నారు. కడప జిల్లాలో నాలుగు రోజుల పర్యటనలో భాగంగా రేపు ఉదయం 11 గంటలకు బెంగళూరు నుంచి ఇడుపులపాయ చేరుకోనున్నారు. వైఎస్ రాజశేఖర్ రెడ్డి ఘాట్ వద్ద నివాళులర్పిస్తారు. అనంతరం చర్చిలో జరిగే ప్రత్యేక ప్రార్థనల్లో పాల్గొంటారు. ఆ తర్వాత కడప మున్సిపల్ కార్పొరేటర్లు, వైసీపీ నేతలతో సమావేశమవుతారు. అనంతరం పులివెందులకు బయలుదేరి వెళ్లి రాత్రి అక్కడ ఆయన నివాసంలో బస చేస్తారు.