ఉంగుటూరులో కొనసాగుతున్న ఆరోగ్యశ్రీ డిజిటల్ కార్డుల పంపిణీ

పేదలకు ఉచితంగా వైద్యం అందించే ఆరోగ్యశ్రీ పథకానికి సంబంధించిన వైఎస్సార్ ఆరోగ్యశ్రీ డిజిటల్ కార్డుల పంపిణీ చురుగ్గా సాగుతోందని ఉంగుటూరు పంచాయతీ కార్యదర్శి కేవీ గిరిధర్ శనివారం తెలిపారు. తెల్లరేషన్ కార్డు ఉన్న ప్రతి ఒక్కరూ ఈ డిజిటల్ వైఎస్సార్ ఆరోగ్యశ్రీ కార్డులు కోసం తప్పనిసరిగా ఈకేవైసీ చేయించుకోవాలన్నారు. గ్రామ వలంటీర్లు మీ వద్దకే వచ్చి ఈ కార్డులు అందించేలా ప్రభుత్వం చర్యలు తీసుకుందన్నారు.