జనావాసాలపై కుప్పకూలిన భారీ విమానం

జర్మనీ DHL సంస్థకు చెందిన బోయింగ్ 737 రవాణా విమానం నేడు లిథువేనియాలోని విల్నియస్ ఎయిర్ పోర్టు సమీపంలో జనావాసాలపై కుప్పకూలింది. ఈ విమానం ఎయిర్ పోర్టులో ల్యాండ్ కావడానికి కొద్దినిమిషాల ముందు సమీపంలోని లివ్ కల్నిస్ అనే ప్రాంతంపై పడిపోయింది. లిథువేనియా కాలమానం ప్రకారం తెల్లవారుజామున ఈ ప్రమాదం చోటుచేసుకొంది. ఈ ప్రమాదంలో పైలెట్ మృతి చెందాడు. ప్రజలు సురక్షితంగానే ఉన్నారని అక్కడి జాతీయ విపత్తు నిర్వహణ కేంద్రం పేర్కొంది.