బేస్ బాల్ ఆడుతూ తొమ్మిదవ తరగతి విద్యార్థి మృతి

బేస్ బాల్ ఆడుతూ ఓ విద్యార్థి మృతి చెందిన ఘటన మంగళవారం నిర్మల్ జిల్లాలో చోటు చేసుకుంది. జిల్లా కేంద్రంలోని ఎంజేపీ పాఠశాలలో 9వ తరగతి విద్యార్థి ఫయాజ్ హుస్సేన్ ఉదయం బేస్ బాల్ ఆడుతూ అస్వస్థతకు గురయ్యాడు. గమనించిన ఉపాధ్యాయులు వెంటనే ప్రభుత్వ ఆస్పత్రికి తరలించారు. పరీక్షించిన వైద్యులు విద్యార్థి మృతి చెందినట్లు ధృవీకరించారు. ఈ ఘటనపై పోలీసులు కేసు నమోదు చేసుకొని దర్యాప్తు చేపట్టారు. పూర్తి వివరాలు తెలియాల్సి ఉంది.