రైలు ప్రమాదానికి కుట్ర.. ట్రాక్‌పై గ్యాస్‌ సిలిండర్‌

దేశంలో ఇటీవల రైలు ప్రమాదాలే లక్ష్యంగా దాడులు పెరుగుతున్నాయి. తాజాగా ఉత్తరాఖండ్‌లోని రూర్కీ సమీపంలో రైల్వే ట్రాక్‌పై ఎల్‌పీజీ సిలిండర్‌ దర్శనమిచ్చింది. అటుగా వెళ్తున్న గూడ్స్‌ రైలు లోకో పైలట్ అప్రమత్తమవడంతో త్రుటిలో ప్రమాదం తప్పింది. లలాండౌర్‌- ధంధేరా స్టేషన్ల మధ్య ఆదివారం ఉదయం 6:35 గంటలకు ఈ ఘటన వెలుగు చూసింది. సమాచారం అందుకున్న అధికారులు సిలిండర్‌ను పరిశీలించగా అది ఖాళీది అని తేలింది.