తమిళనాడులోని ఈ జిల్లాల్లో భారీ వర్షాలు

తమిళనాడు రాష్ట్రంలోని కోవై, నీలగిరి జిల్లాల్లో శనివారం భారీ వర్షం కురిసింది. నీలగిరి జిల్లా కున్నూర్, అరువంగాడు, వెలింగ్‌టన్, బర్లియార్, కరుంబాలం, చిన్నవండిచోలై, ఎడప్పళ్ళి, కొలక్కంబై తదితర ప్రాంతాలలో శనివారం కురిసిన వర్షానికి వర్షపునీరు ఏరులై పారింది. కున్నూర్ గ్రంథాలయం ప్రాంతంలో మట్టి జారి పడటంతో విద్యుత్తు స్తంభం కూలిపోయింది. మార్కెట్ ప్రాంతంలోని వ్యాపారులు, కొనుగోలుదారులూ ఇబ్బందులు ఎదుర్కొన్నారు.