కనిపించకుండా పోయిన యువతి ఆస్పత్రిలో కనిపించిన ఘటన గుంటూరు జిల్లాలో చోటు చేసుకుంది. మధిర సహన అనే యువతిని నవీన్ అనే రౌడీషీటర్ శనివారం కారులో తీసుకెళ్లాడు. కొన్ని గంటల తర్వాత యువతిని తెనాలిలోని ఓ ప్రైవేట్ ఆస్పత్రిలో చేర్పించాడు. సహన తల్లిదండ్రులకు సమాచారమిచ్చి వెళ్లిపోయాడు. యువతి ఆస్పత్రిలోకి వచ్చే సరికి బ్రెయిన్ డెడ్ అవ్వడంతో వైద్యులు చికిత్స చేయలేమని చేతులెత్తేశారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.