కాంగ్రెస్‌ సీనియర్‌ నేత, కేంద్ర మాజీ మంత్రి గిరిజా వ్యాస్‌ (79)కు గాయాలు అయ్యాయి. రాజస్థాన్‌ ఉదయ్‌పుర్‌లోని తన నివాసంలో పూజా సమయంలో గిరిజా వ్యాస్‌ హారతి ఇస్తున్న క్రమంలో.. మంటలు ఒక్కసారిగా ఆమె శరీరాన్ని అంటుకున్నాయి. ఈ ప్రమాదంలో ఆమెకు గాయాలయ్యాయి. కుటుంబసభ్యులు వెంటనే ఆమెను ఆస్పత్రికి తరలించి ప్రాథమిక చికిత్స అందించారు. ప్రస్తుతం ఆమె పరిస్థితి నిలకడగా ఉందని వైద్యులు తెలిపారు.