రూ.100కే కిలో చికెన్!

కర్నూలులోని మద్దూర్ నగర్‌లో రెండు దుకాణాల వద్ద కిలో చికెన్ రూ.100కే అమ్మడంతో జనం బారులు తీరారు. షమీర్, సుభాన్ చికెన్ సెంటర్ల నిర్వాహకులు పోటీపడి.. కిలో చికెన్‌ను వంద రూపాయలకే విక్రయించారు. దీంతో కొనుగోలుదారులు ఆ రెండు చికెన్ షాపుల వద్ద కిక్కిరిశారు. దీంతో వాహనాల రాకపోకలకు రెండు గంటలకుపైగా తీవ్ర అంతరాయం ఏర్పడింది. కార్తిక మాసం అయినప్పటికీ తక్కువ ధరకు అమ్మడంతో.. చాలా మంది చికెన్ కొనుగోలు చేశారు.