ఇసుక ట్రాక్టర్ల పట్టివేత

గార్లదిన్నె సమీపంలో జాతీయ రహదారిపై మంగళవారం రెండు ఇసుక ట్రాక్టర్లను పట్టుకున్నట్లు పోలీసులు తెలిపారు. పెన్నానది నుంచి ఇసుకను అక్రమంగా తరలిస్తుండగా సీఐ కౌలుట్లయ్యకు సమాచారం అందడంతో పోలీసులు అక్కడికి చేరుకుని కల్లూరు వైపు నుంచి అనంతపురం వైపు వెళ్తున్న ట్రాక్టర్లను గార్లదిన్నె పోలీసుస్టేషన్ కు తరలించారు. కల్లుమడికి చెందిన రాముడు, కల్లూరుకు చెందిన రాము ట్రాక్టర్లతో ఇసుకను తరలిస్తుండగా పట్టుకున్నట్లు చెప్పారు.