వైద్యం వికటించి విద్యార్థిని మృతి
ఆర్‌ఎంపి వైద్యం వికటించి విద్యార్థిని మృతి చెందిన ఘటన సోమవారం గంగవరం మండలంలో చోటు చేసుకుంది. నల్లగుట్లపల్లి గ్రామానికి చెందిన తేజశ్రీకి జ్వరం వచ్చింది. చికిత్స నిమిత్తం ఆమెను పట్టణంలోని ఆర్‌ఎంపి వైద్యుడు నిర్వహిస్తున్న శ్రీనివాస క్లినిక్‌కు తీసుకెళ్లారు. చికిత్స చేసిన కొద్దిసేపటికే తేజశ్రీ ఆరోగ్యం విషమించడంతో కుటుంబసభ్యులు సీఎంసీ ఆస్పత్రికి తీసుకెళ్లారు. పరిస్థితి విషమించడంతో ఆమె మరణించినట్లు వైద్యులు తెలిపారు.
