గ్రామ సచివాలయ భవనానికి భూమి పూజ

చిత్తూరు జిల్లా బంగారుపాళ్యం మండలం చీకూరుపల్లి లో సోమవారం గ్రామ సచివాలయ భవనం ,రైతు భరోసా, ఆరోగ్య కేంద్ర భవన నిర్మాణాలకు నాయకులు భూమి పూజ నిర్వహించారు. ఈ సందర్భంగా జిల్లా పరిషత్ మాజీ చైర్మన్ కుమార్ రాజా మాట్లాడుతూ, ప్రభుత్వం ప్రజా సంక్షేమ కార్యక్రమాలకు పెద్దపీట వేస్తుందని పేర్కొన్నారు.

ప్రజల చెంతకే సంక్షేమ పథకాలు అందించేందుకు కృషి చేస్తున్నారని తెలిపారు. ఈ కార్యక్రమంలో సింగిల్ విండో అధ్యక్షుడు దత్తాత్రేయ రెడ్డి మాజీ ఎంపీపీ సుగుణాకర్ రెడ్డి , మాజీ మార్కెట్ కమిటీ చైర్మన్ కృపా సాగర్ రెడ్డి, మాజీ సర్పంచ్ లు శ్రీనివాసులు ,ప్రకాష్ రెడ్డి , సేవాదళ్ అధ్యక్షుడు కిషోర్ రెడ్డి తదితరులు పాల్గొన్నారు.