AP: నూతన సంవత్సరాన్ని పురస్కరించుకొని జనవరి ఒకటో తేదీకి ఒక రోజు ముందే ఎన్టీఆర్ భరోసా పింఛన్లను లబ్ధిదారులకు పంపిణీ చేయాలని ప్రభుత్వం నిర్ణయించింది. గ్రామ, వార్డు సచివాలయ ఉద్యోగుల విజ్ఞప్తి మేరకు ప్రభుత్వం ఈ నిర్ణయం తీసుకుంది. డిసెంబర్ 31న పింఛన్ల పంపిణీకి ఏర్పాట్లు చేసుకోవాలని గ్రామ, వార్డు సచివాలయాలకు ప్రభుత్వం ఆదేశాలు పంపింది. 63.75 లక్షల మందికి పింఛన్ల పంపిణీకి రూ.2,717.31 కోట్ల మొత్తాన్ని బ్యాంకు ఖాతాలో జమ చేయనుంది.