కళ్యాణదుర్గం: రోడ్డు ప్రమాదంలో వ్యక్తికి తీవ్ర గాయాలు

కంబదూరు మండలం తిమ్మాపురం ప్రాథమిక పాఠశాల యాజమాన్య కమిటీ ఛైర్మన్ నారాయణ శుక్రవారం రోడ్డు ప్రమాదంలో తీవ్రంగా గాయపడ్డారు. బోయలపల్లి-కామక్కపల్లి గ్రామాల మధ్య నున్న మార్గమధ్యంలో ఎనుములు అడ్డం రావడంతో ద్విచక్ర వాహనం అదుపుతప్పి కిందపడటంతో తలకు బలమైన గాయమైంది. అటువైపు వెళ్తున్న ప్రయాణికులు గమనించి ప్రథమ చికిత్స నిమిత్తం కళ్యాణదుర్గం ప్రభుత్వాసుపత్రికి తరలించారు. మెరుగైన వైద్యం కోసం అనంతపురం తరలించారు.