అదుపు తప్పి కాలువలోకి దూసుకెళ్లిన బస్సు

AP: అదుపు తప్పిన ఆర్టీసీ బస్సు కాలువలోకి దూసుకెళ్లింది. ఈ ఘటన తూర్పు గోదావరి జిల్లా అనపర్తి మండలం పులగుర్త వద్ద సోమవారం చోటు చేసుకుంది. కాకినాడ నుంచి బస్సు రావులపాలెం వెళ్తుండగా ఈ ఘటన జరిగింది. ప్రమాద సమయంలో బస్సులో 24 మంది ప్రయాణికులు ఉన్నారు. ముగ్గురు గాయపడ్డారు. క్షతగాత్రులను రామచంద్రపురం ప్రభుత్వ ఆస్పత్రికి తరలించారు. ప్రమాదానికి గల కారణాలు తెలియాల్సి ఉంది.