పెళ్లి వేడుకలోకి దూసుకెళ్లిన ట్రక్కు.. ఐదుగురు మృతి!

మధ్యప్రదేశ్‌లోని రైసెన్ జిల్లాలో ఘోర ప్రమాదం జరిగింది. వేగంగా వస్తున్న ట్రక్కు రాంగ్ సైడ్ నుంచి ఓవర్ టేక్ చేసి పెళ్లి వేడుకలపైకి దూసుకెళ్లింది. ఈ ప్రమాదంలో ఐదుగురు మృతి చెందగా, 11 మంది గాయపడ్డారు. సుల్తాన్‌పూర్ ప్రాంతంలో ఈ ఘటన జరిగినట్లు పోలీసు అధికారులు తెలిపారు. వివాహ వేడుకలకు దీపాలు తీసుకెళ్తున్న కూలీలు గాయపడ్డారని సుల్తాన్‌పూర్ పోలీస్ స్టేషన్ ఇన్‌ఛార్జ్ రజత్ శరతే తెలిపారు.