గుండెపోటుతో ఆర్మీ జవాన్‌ మృతి

తెలంగాణలోని మహబూబాబాద్‌ జిల్లా డోర్నకల్‌ పట్టణంలోని యాదవ్‌ నగర్‌కు చెందిన ఆర్మీ జవాన్‌ కొదిరిపాక సతీశ్‌(34) గుండెపోటుతో గురువారం మృతి చెందాడు. కోలకతా ఆర్మీ బేస్‌ క్యాంపులో ఉద్యోగం చేస్తుండగా మంగళవారం అతడికి గుండెపోటు రావడంతో పశ్చిమబెంగాల్‌ బాగ్‌ దోగారా ఆసుపత్రికి తరలించారు. చికిత్స పొందుతూ గురువారం మృతి చెందాడు. ఆయన మృతదేహం 29వ తేదీ సాయంత్రం రానున్నట్లు కుటుంబసభ్యులు తెలిపారు.