ఢిల్లీలో ఆమ్ ఆద్మీ పార్టీకి భారీ షాక్.. ఎంసీడీ వార్డు కమిటీ ఎన్నికల్లో బీజేపీ విజయం

మున్సిపల్ కార్పోరేషన్ ఆఫ్ ఢిల్లీ(ఎంసీడీ) వార్డ్ కమిటీ ఎన్నికల్లో ఆమ్ ఆద్మీ పార్టీకి షాక్ తగిలింది. 12 జోన్‌లకు గాను 7 చోట్ల బీజేపీ విజయం సాధించగా, ఆమ్ ఆద్మీ పార్టీ 5 వార్డు కమిటీలకు పరిమితమైంది. ఎంసీడీ వార్డు కమిటీ ఎన్నికలు నేడు ఏజెన్సీ ప్రధాన కార్యాలయంలో భారీ బందోబస్తు మధ్య జరిగాయి. దీర్ఘకాలంగా పెండింగ్‌లో ఉన్న ఈ ఎన్నికలు వాయిదా పడుతూ వస్తున్నాయి. 2022లో ఎంసీడీ ఏకీకరణ తర్వాత మొదటిసారి ఎన్నికలు జరిగాయి.