కెనడాలో భారతీయ బిల్డర్‌ కాల్చివేత

కెనడాలోని ఆల్బర్టా ప్రావిన్సు కావనాగ్‌లో భారతీయ బిల్డర్‌ దారుణ హత్యకు గురయ్యారు. దుండగులు జరిపిన కాల్పుల్లో నిర్మాణరంగ కంపెనీ యజమాని అయిన బూటాసింగ్‌ గిల్‌ (49) మృతిచెందారు. సోమవారం నివాస ప్రాంతాల నడుమ జరిగిన ఈ కాల్పుల్లో బూటాసింగ్‌తోపాటు మరో వ్యక్తి (57) మృతిచెందారు. ఇంకొకరు తీవ్రంగా గాయపడ్డారు. ఆసుపత్రిలో చికిత్స పొందుతున్న ఈయన పరిస్థితి విషమంగా ఉంది. ఈ కాల్పులు ఎవరు.. ఎందుకు జరిపారు అనే వివరాలు తెలియరాలేదు.