కాలువ పునరుద్ధరణ పనులు వేగంగా చేయాలి

కాలువ పునరుద్ధరణ పనులు వేగంగా చేయాలని కలెక్టర్ ముజామ్మిల్ ఖాన్ ఆదేశించారు. పాలేరు సమీపంలో హఠ్యతండాకు వెళ్లే రోడ్డు వద్ద సాగర్ ఎడమ కాలువకు ఇటీవల కురిసిన వర్షాలతో గండి పడింది. దాంతో రైతుల పొలాలు నీటమునిగి ఇసుక మేటలు వేశాయి. ఈ కాలువ మరమ్మతు పనులను అధికారులు చేపట్టగా శుక్రవారం కలెక్టర్ పరిశీలించారు. అనంతరం పనులపై ఆరా తీశారు. వీలైనంత తొందరగా కాలువ పునరుద్ధరణ పనులు పూర్తి చేయాలని అధికారులను కోరారు.