నారాయణపేట: వాహనం ఢీకొని గుర్తుతెలియని వ్యక్తి మృతి

నారాయణపేట జిల్లా కృష్ణ మండల పరిధిలో జరిగిన రోడ్డు ప్రమాదంలో వ్యక్తి మృతి చెందాడు. స్థానిక నల్ల గట్టు పంప్ హౌస్ వద్ద శుక్రవారం తెల్లవారుజామున సుమారు 3 గంటల ప్రాంతంలో నడుచుకుంటూ వెళుతున్న గుర్తుతెలియని వ్యక్తిని గుర్తు తెలియని వాహనం ఢీకొంది. దీంతో వ్యక్తి అక్కడికక్కడే మృతి చెందాడు. సమాచారం అందుకున్న కృష్ణ పోలీసులు సంఘటన స్థలానికి వచ్చి మృతదేహాన్ని మక్తల్ ప్రభుత్వ ఆసుపత్రికి తరలించారు.