వెల్దండ మండలంలో ఆసుపత్రిని ఆకస్మికంగా తనిఖీ చేసిన ఎమ్మెల్యే
వెల్దండ మండల కేంద్రంలోని ప్రభుత్వ ఆసుపత్రిని కల్వకుర్తి ఎమ్మెల్యే కసిరెడ్డి నారాయణరెడ్డి సోమవారం ఆకస్మికంగా తనిఖీ చేశారు. ఆసుపత్రి డాక్టర్లు, ఆశా వర్కర్లు, సిబ్బందితో మాట్లాడారు. ఈ సీజన్లో డెంగ్యూ, మలేరియా వంటి వైరల్ ఫీవర్ రోగాల బారిన పడి ప్రజలు ఇబ్బందులు పడుతున్నారని, అలాంటి వారికి తక్షణమే చికిత్స చేయాలని ఆదేశించారు. ప్రజల ఇళ్ల వద్దకు వెళ్లి ఇంటి పరిసరాలను పరిశుభ్రంగా ఉంచుకోవాలని తెలియజేయాలని చెప్పారు.
