అడవి పందులు పట్టివేత

నందిపేట మండలం షాపూర్ శివారు వద్ద బొలెరో వాహనంలో 4 అడవి పందులను తరలిస్తుండగా అటవీశాఖ అధికారులు పట్టుకొని వాహనాన్ని
సీజ్ చేశారు. ఈ సందర్భంగా ఆదివారం రేంజ్ అధికారి శ్రీనివాస్ మాట్లాడుతూ, కొందరు దుండగులు అడవి పందులను అడవిలో వేటాడి తరలిస్తుండగా పట్టుకున్నామన్నారు. వాహనం తనిఖీ చేస్తుండగా డ్రైవరు, ముగ్గురు వ్యక్తులు పరారయ్యారని, వారిని త్వరలోనే పట్టుకుంటామని, పందులను అడవిలోకి వదిలామన్నారు.