సల్మాన్ ఖాన్‌ను చంపేస్తానని బెదిరించిన వ్యక్తి అరెస్ట్

బాలీవుడ్ నటుడు సల్మాన్ ఖాన్‌ను చంపేస్తానని బెదిరించిన వ్యక్తిని ముంబై పోలీసులు అరెస్టు చేశారు. నిందితుడు రాజస్థాన్‌కు చెందిన బికారమ్ జలరామ్ బిష్ణోయ్‌(32)గా గుర్తించారు. నిందితుడి మొబైల్ ఫోన్ నంబర్ ఆధారంగా అతడిని కర్ణాటకలోని హుబ్బళ్లిలో అదుపులోకి తీసుకున్నారు. అయితే, స్థానికంగా కూలి పని చేసుకుంటూ జీవనం సాగిస్తున్న జలరామ్ బిష్ణోయ్‌ కేవలం వినోదం కోసం ఈ పని చేసినట్లు పోలీసులు ప్రాథమికంగా నిర్ధారించారు.