కోదాడ దగ్గర ఢీ కొన్న రెండు బస్సులు.. 25 మందికి గాయాలు

సూర్యాపేట జిల్లా కోదాడ బైపాస్ కట్టకొమ్మగూడెం దగ్గర ఘోర రోడ్డు ప్రమాదం జరిగింది. శనివారం తెల్లవారుజామున విజయవాడ వెళ్తున్న ప్రైవేట్ బస్సును ఆర్టీసీ బస్సు వెనుక నుంచి ఢీ కొట్టింది. ఈ ఘటనలో 25 మందికి తీవ్ర గాయాలు అయ్యాయి. రెండు బస్సులు నుజ్జునుజ్జు అయ్యాయి. వీరిలో నలుగురికి సీరియస్‌గా ఉండటంతో చికిత్స కోసం ప్రైవేట్ ఆస్పత్రులకు తరలించారు. కేసు నమోదు చేసిన పోలీసులు దర్యాప్తు చేస్తున్నారు.