ఇకపై రెండు నెలల పాటు భూమికి రెండు చంద్రుళ్లు! (Video)

అంతరిక్షంలో మరో అద్భుతం సాక్షాత్కారమైంది. 2024 పీటీ5 అనే గ్రహ శకలం జాబిల్లిగా మారనుంది! ఈ నెల 29 నుంచి నవంబర్ 25 వరకూ భూమి చుట్టూ ప్రదక్షిణ చేయనుంది. అనంతరం భూగురుత్వాకర్షణ నుంచి విడిపోయి, తిరిగి అంతరిక్షంలోకి ఎగిరిపోతుంది. అయితే చాలా ఎత్తులో, చిన్నగా ఉండటం వల్ల మన కళ్లతో గానీ చిన్న టెలిస్కోప్‌తో గానీ చూడలేం. పెద్ద టెలిస్కోప్‌లతోనైతే చూడొచ్చు. వర్ధమాన ఖగోళ శాస్త్రవేత్తలకిదో అరుదైన అవకాశంగా భావిస్తున్నారు.