గుంటూరు: బోరుగడ్డ అనిల్ వ్యవహారంలో నలుగురు పోలీసుల సస్పెన్షన్

బోరుగడ్డ అనిల్ కుమార్ గుంటూరులోని అరండల్ పేట పోలీస్ స్టేషన్ లో రాచమర్యాదలు చేసినందుకు నలుగురు పోలీసులపై సస్పెన్షన్ వేటు పడింది. పోలీస్ కస్టడీలో బోరుగడ్డ ఉన్న సమయంలో విధులు నిర్వర్తించిన కానిస్టేబుళ్లతో పాటు స్టేషన్ రైటర్ పై చర్యలు తీసుకున్నారు. హెడ్ కానిస్టేబుళ్లు సర్దార్, గౌస్, రైటర్, హెడ్ కానిస్టేబుల్ శ్రీనివాసరావు, కానిస్టేబుల్ పరమేశ్వరరావును సస్పెండ్ చేస్తూ ఉన్నతాధికారులు గురువారం ఉత్తర్వులు జారీచేశారు.