బద్వేల్: కలెక్టర్ ఆదేశాలతో తెల్లపాడుకు బస్సు సౌకర్యం

కలసపాడు మండలంలోని తెల్లపాడులో ఈ నెల 22 న జిల్లా కలెక్టర్ శ్రీధర్ పల్లెనిద్ర కార్యక్రమం నిర్వహించారు. కాగా గ్రామ ప్రజలు తమ గ్రామానికి బస్సు సౌకర్యం లేక ప్రజలు, విద్యార్థులు ఇబ్బందులు పడుతున్నామని ఆయనకు విన్నవించుకున్నారు. వెంటనే బస్సు సౌకర్యం కల్పించాలని అధికారులను కలెక్టర్ ఆదేశించారు. దీంతో సోమవారం ఆర్డీవో చంద్రమోహన్ ఆధ్వర్యంలో కలసపాడు- తెల్లపాడు బస్సును జెండా ఊపి ప్రారంభించారు.