నాగాయలంక: రామలింగేశ్వర స్వామికి ప్రత్యేక పూజలు

కార్తీకమాసం పురస్కరించుకొని నాగాయలంకలోని శ్రీరామ పాద క్షేత్రం పుష్కర ఘాట్ వద్ద ఉన్న రామలింగేశ్వర స్వామికి ప్రత్యేక పూజలు నిర్వహించారు. సోమవారం ఉదయాన్నే కృష్ణా నదిలో పుణ్య స్నానాలు ఆచరించిన భక్తులు అనంతరం నది ఒడ్డున కార్తీకదీపాలు వెలిగించారు. వేదమంత్రోచ్ఛారణ నడుమ రామలింగేశ్వర స్వామికి అభిషేక కార్యక్రమాలు నిర్వహించిన అనంతరం ప్రత్యేక పూజలు చేశారు. ఆలయ ధర్మకర్త శ్రీనివాసరావు ఏర్పాట్లు పర్యవేక్షించారు