ఆలూరు: పిడుగుపాటుతో మహిళకు అస్వస్థత

హొళగుంద మండలం గజ్జహళ్లి గ్రామంలో గురువారం పిడుగుపాటుకు గురై కురువ అనసూయ (28) అస్వస్థతకు గురైంది. స్థానికులు తెలిపిన వివరాల ప్రకారం అనసూయ తన మిరప తోటలో పని చేస్తుండగా ఉరుములు, మెరుపులతో వర్షం ప్రారంభం కావడంతో అక్కడే ఉన్న ఓ చెట్టు కిందకు వెళ్లింది. కాసేపటికే కొద్ది దూరంలో పిడుగు పడడంతో ఆమె అక్కడికక్కడే కుప్పకూలిపోయింది. కుటుంబ సభ్యులు చికిత్స నిమిత్తం ఆదోనికి తరలించారు. ఆరోగ్యం నిలకడగా ఉంది.