పాణ్యం: విశ్వబ్రాహ్మణులు అవకాశాలను అందిపుచ్చుకోవాలి

విశ్వబ్రాహ్మణులు అందివచ్చిన ప్రతి అవకాశాన్ని సద్వినియోగం చేసుకోవాలని పాణ్యం ఎమ్మెల్యే గౌరుచరిత అన్నారు. ఆదివారం ఉల్చాల రోడ్ సమీపంలోని హిందూస్థాన్ నగర్ శ్రీగాయత్రీ విశ్వకర్మ వీరభద్ర ఆలయంలో ఈశ్వరిమాతా సేవా ట్రస్ట్ చైర్మన్, పార్లమెంట్ మహిళా అధ్యక్షురాలు కె. పార్వతమ్మ అధ్వర్యంలో చేపట్టిన కార్తీక వనభోజన ఆత్మీయ సమావేశానికి ఎమ్మెల్యే హాజరై, మాట్లాడారు. విశ్వబ్రాహ్మణులు అన్ని రంగాల్లో రాణించాలన్నారు.