ఊసవానిపేట కోదండ రామాలయంలో సామూహిక సత్యనారాయణ వ్రతాలు

ఆముదాలవలస మున్సిపాలిటీ పరిధి ఊసావానిపేటలో ఉన్న హనుమత్ సీతారామ లక్ష్మణ సహిత కోదండ రామాలయంలో మంగళవారం సామూహిక రమా సత్యనారాయణ స్వామి వ్రతములు నిర్వహించారు. ఆలయ అర్చకులు మావుడూరి. సత్యనారాయణ శర్మ సోదరులు ఆధ్వర్యంలో భక్తులు సత్యనారాయణ వ్రత పూజలు నిర్వహించారు. శుద్ధ కార్తీక ఏకాదశి సందర్భంగా ఈ పూజలు చేపట్టినట్లు పురోహితులు తెలిపారు. ఈ వ్రతాలలో పరిసర ప్రాంతాలకు చెందిన భక్తులు అధిక సంఖ్యలో పాల్గొన్నారు.