కవిటి: రహదారిపై అదుపుతప్పి పండ్ల వ్యాన్ బోల్తా..

కవిటి మండలం గొర్లెపాడు జంక్షన్ వద్ద జాతీయ రహదారిపై గురువారం ఉదయం మహారాష్ట్ర నుంచి ఒడిస్సా రాష్ట్రం భువనేశ్వర్ కు పండ్లు లోడుతో వెళ్తున్న వ్యాన్ అదుపుతప్పి బోల్తా పడింది. ఈ ప్రమాదంలో డ్రైవర్ చిన్నపాటి గాయాలతో బయటపడ్డాడు. విషయం తెలుసుకున్న నేషనల్ హైవే సిబ్బంది, పోలీసులు ఘటన స్థలానికి చేరుకొని ట్రాఫిక్ ను క్రమబద్ధీకరిస్తూ. క్రేన్ సహాయంతో వాహనాన్ని సురక్షిత ప్రాంతానికి తరలించారు.