కన్నుల పండుగగా లక్ష బిల్వార్చన

శ్రీకాళహస్తి నియోజకవర్గం ఏర్పేడు మండలం గుడిమల్లం గ్రామంలో కార్తీక పౌర్ణమి సందర్భంగా లక్ష బిల్వార్చన, కార్తీక దీపోత్సవం శుక్రవారం కన్నుల పండుగగా కొనసాగింది. ముందుగా బిల్వపత్రాలను గ్రామంలో ఊరేగింపుగా తీసుకొచ్చారు. మహిళలు బిల్వపత్రాలకు పసుపు నీటితో స్వాగతం పలికి కర్పూర హారతులు ఇచ్చారు. అనంతరం ఏర్పాటు చేసిన మండపంలో శివ, పార్వతులను కొలువు తీర్చి బిల్వపత్రాలతో వేద పండితులు పూజలు చేశారు.