మాడుగుల: అఖండ దీపారాధనకు ఏర్పాట్లు

మాడుగుల పాండవ గిరిపై ఈనెల 18వ తేదీన నిర్వహించి తలపెట్టిన అఖండ దీపారాధన కార్యక్రమానికి చురుకుగా ఏర్పాట్లు జరుగుతున్నాయి. గత ఏడాది కూడా అఖండ దీపారాధన కార్యక్రమం ఘనంగా నిర్వహించారు. అయితే ఈఏడాది 51 కేజీల నెయ్యితో మరింత ఘనంగా దీపారాధన చేపట్టాలని నిర్ణయించారు. కార్తీకమాసం మూడో సోమవారం ఈ కార్యక్రమాన్నినిర్వహిస్తారు. మాడుగుల పార్థసారథి స్వామి వారి దీపోత్సవ కమిటీ ఆధ్వర్యంలో పాండవ గిరిపై ఏర్పాట్లు చేస్తున్నారు.