వీధి కుక్కల దాడిలో రెండేళ్ల బాలుడు మృతి

వీధి కుక్కల దాడిలో ఓ బాలుడు మృతి చెందిన ఘటన ఏపీలో చోటుచేసుకుంది. ఎన్టీఆర్ జిల్లా పెనుగంచిప్రోలు మోడల్ కాలనీలో ఆరుబయట ఆడుకుంటున్న రెండేళ్ల బాలుడిపై వీధి కుక్కలు దాడి చేశాయి. దాదాపు 10 కుక్కలు బాలుడిని పొలాల్లోకి ఈడ్చుకెళ్లి దాడి చేయగా బాలుడు మృత్యువాత పడినట్టు తల్లిదండ్రులు తెలిపారు. తమ చిన్నారి మృతదేహం చూసి కన్నీరుమున్నీరుగా విలపించారు. కుక్కల బెడదపై అధికారులకు ఫిర్యాదులు చేసినా పట్టించుకోలేదని వాపోయారు.