ALERT: ఈ నెల 9న ఆర్జిత సేవలు రద్దు చేసిన టీటీడీ

AP: తిరుమల శ్రీవారి ఆలయంలో నవంబర్ 9న శనివారం పుష్పయాగ మహోత్సవం శాస్త్రోక్తంగా జరగనుంది. ఈ నేపథ్యంలో కల్యాణోత్సవం, ఊంజల్ సేవ, బ్రహ్మోత్సవం వంటి ఆర్జిత సేవలు రద్దు కాగా.. తోమాల, అర్చన సేవలు ఏకాంతంగా నిర్వహించనున్నట్లు టీటీడీ అధికారులు మంగళవారం తెలిపారు. పుష్ప యాగం అంకురార్పణ నేపథ్యంలో నవంబర్ 8వ తేదీ సాయంత్రం జరగాల్సిన సహస్ర దీపాలంకరణ సేవను రద్దు చేసినట్లు వెల్లడించారు. ఈ విషయాన్ని భక్తులు గమనించాలని సూచించారు.