ఉగ్రవాదుల కాల్పుల్లో ఆర్మీ అధికారి మృతి

జమ్మూకశ్మీర్‌‌లో మరోసారి ఉగ్రవాదులు, జవాన్ల మధ్య కాల్పుల మోత మోగింది. కిశ్త్‌వాడ్‌ జిల్లాలో జరిగిన ఎదురు కాల్పుల్లో ఓ ఆర్మీ అధికారి మృతిచెందాడు. మరో ముగ్గురు జవాన్లకు గాయాలయ్యాయి. అధికారులు తెలిపిన వివరాల ప్రకారం.. ఇటీవల కిశ్త్‌వాడ్‌ జిల్లాలో ఇద్దరు విలేజ్‌ డిఫెన్స్‌ గార్డ్స్‌‌ను ఉగ్రవాదులు కిడ్నాప్‌ చేసి హతమార్చారు. దీంతో వారిని పట్టుకునేందుకు బలగాలు గాలింపు చర్యలు చేపట్టాయి. ఈ క్రమంలో ఎదురుకాల్పులు చోటుచేసుకున్నాయి.