జాతీయ రహదారిపై బీసీ గురుకుల విద్యార్థుల ఆందోళన (వీడియో)

TG: రంగారెడ్డి జిల్లా బాట సింగారం జాతీయ రహదారిపై బీసీ గురుకుల విద్యార్థులు ఆందోళన చేపట్టారు. తమ సమస్యలు పరిష్కరించాలని శుక్రవారం రోడ్డుపై బైఠాయించారు. ఆహారం సరిగా ఉండటం లేదని.. అధికారులకు ఎన్నిసార్లు ఫిర్యాదు చేసినా పట్టించుకోవడం లేదని ఆరోపించారు. మాకు న్యాయం కావాలని విద్యార్థులు నినదించారు. తమ సమస్యలు పరిష్కరించే వరకు నిరసన కొనసాగిస్తామని అన్నారు. విద్యార్థుల ఆందోళనతో రహదారిపై వాహనాల రాకపోకలకు తీవ్ర అంతరాయం ఏర్పడింది.