ధాన్యం సేకరించిన వారంలోపే బోనస్: మంత్రి శ్రీధర్ బాబు

వరి ధాన్యం సన్న రకం పండించిన రైతులకు రూ.500 బోనస్ కచ్చితంగా ఇస్తామని మంత్రి శ్రీధర్ బాబు స్పష్టం చేశారు. శుక్రవారం మీడియాతో మాట్లాడుతూ.. ధాన్యం సేకరించిన వారంలోపే చెల్లిస్తామని హామీ ఇచ్చారు. సబ్ కమిటీ నివేదిక రాగానే రైతు భరోసా కూడా ఇస్తామని చెప్పారు. 'హరీశ్ రావు, కేటీఆర్ రైతులను రెచ్చగొడుతున్నారు. రైతుల కష్టాలపై మొసలి కన్నీరు కారుస్తున్నారు' అని మండిపడ్డారు.