ఆహార ధాన్యాల సబ్సిడీకి ఎగనామం

ప్రపంచ ఆకలి సూచీలో భారత్‌ ఎక్కడో చిట్ట చివరన కునారిల్లడానికి ప్రభుత్వాల వైఫల్యమే కారణం. ఆహారం అనేది పౌరుల ప్రాథమిక హక్కు. యుపిఎ ప్రభుత్వం ఆహార భద్రతా చట్టం తెచ్చింది. మూడింట రెండు వంతుల జనాభా ఆ చట్టం కిందకు వస్తారు. ఒక్కొక్కరికి ఐదు కిలోల చొప్పున సబ్సిడీపై ఆహార ధాన్యాలివ్వాలి. మోడీ ప్రభుత్వం ఈ చట్టం నిర్వీర్యానికి చేయని ప్రయత్నం లేదు. కరోనా సమయంలో అదనంగా ఇచ్చిన ఉచిత బియ్యం, గోధుమల మాటున అంతకుముందు నుంచీ సబ్సిడీపై ఇస్తున్న ఆహార ధాన్యాలకు ఎగనామం పెట్టింది.